Á embættisafgreiðslufundi skipulagsfulltrúa 26. mars 2021 var lagt fram erindi frá afgreiðslufundi byggingarfulltrúa frá 23. mars 2021 þar sem sótt er um leyfi til að breyta erindi BN058349, þ.e. stigi milli hæða færður til, baðherbergi aðkomuhæðar stækkað, stallur í suðurhlið er felldur út, gluggi stigahúss færður og innra skipulagi efstu hæðar breytt í húsi á lóð nr. 14 við Úlfarsbraut. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 9. apríl 2021.
Stækkun: Að sögn hönnuðar helst heildarstærð húss óbreytt. Erindi fylgir bréf eiganda með samantekt breytinga og samþykki nágranna hús nr. 16 við Úlfarsbraut dags. 9 mars 2021 og aðaluppdrættir nr. A-01, A-02, A-03, A-04, A-05, A-06 og A-07 dags. mars 2021. Gjald kr.12.100