Á embættisafgreiðslufundi skipulagsfulltrúa 6. október 2022 var lagt fram erindi Heilbrigðiseftirlits Reykjavíkur dags. 30. september 2022 þar sem óskað er eftir umsögn skipulagsfulltrúa vegna umsóknar Björgunar ehf. um starfsleyfi fyrir malar og sandvinnslu, vélsmíði og vélaviðgerðir og olíugeymi til eigin nota að Víðinesvegi 22 í Álfsnesi. Óskað er umsagnar skipulagsfulltrúa um það hvort starfsemin samræmist skipulagi og gildistíma starfsleyfis en alla jafna gefur Heilbrigðiseftirlitið út starfsleyfi til 12 ára. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 13. október 2022.