Á embættisafgreiðslufundi skipulagsfulltrúa 16. apríl 2021 var lagt fram erindi frá afgreiðslufundi byggingarfulltrúa frá 13. apríl 2021 þar sem sótt er um leyfi til þess að byggja tvö 10 íbúða fjölbýlishús á tveimur hæðum á reit A og 10 íbúða raðhús á tveimur hæðum á reit B með sameiginlegan bílakjallara á lóð nr. 23 við Furugerði. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 7. maí 2021.
Stærðir: 3.253,3 ferm., 10.160,4 rúmm. Nýtingarhlutfall 0.8. Erindi fylgir lóðauppdráttur 1.807.4 dags. 27. mars 2020, hæðablað 1.807.4 samþykkt í mars 2020, teikningaskrá aðaluppdrátta, afrit af greinargerð hönnunarstjóra um ábyrðarsvið hönnuða dags. 5. maí 2020, greinargerð hönnuða dags. 30. apríl 2020, reiknuð U-gildi dags. 5. maí 2020, greinargerð Mannvits ehf um hljóðvist, útgáfa 1.0, dags. 4. maí 2020, greinargerð burðarvirkishönnuðar, Element ehf, dags 28. febrúar 2020, ódagsett greinargerð um algilda hönnun. Gjald kr. 11.200