Að lokinni grenndarkynningu er lögð fram að nýju umsókn Urban arkitekta ehf. dags. 3. október 2019 ásamt bréfi dags. 2. október 2019 varðandi breytingu á deiliskipulagi Hálsahverfis vegna lóðarinnar nr. 7-9 við Grjótháls. Í breytingunni felst að hámarkshæð viðbyggingar hækkar úr 11 metrum í 15 metra, samkvæmt deiliskipulags- og skýringaruppdr. Urban arkitekta ehf. dags. 2. október 2019, síðast breytt 31. janúar 2020. Einnig er lagður fram samanburður á skuggavarpi gildandi deiliskipulags og breytingartillögu fyrir lóðina dags. 1. október 2019. Erindi var grenndarkynnt frá 27. nóvember 2019 til og með 30. desember 2019. Eftirtaldir aðilar sendu athugasemdir: Íþaka fasteignir ehf. dags. 30. desember 2019. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 10. janúar 2019 og er nú lagt fram að nýju ásamt umsögn skipulagsfulltrúa dags. 31. janúar 2020.