Lögð fram umsókn Knattspyrnufélagsins Víkings, mótt. 29. febrúar 2016, varðandi breytingu á deiliskipulagi lóðarinnar nr. 1 við Traðarland, Víkingur. Í breytingunni felst að gera byggingarreit fyrir varamannaskýli og fjölmiðlastand vestan keppnisvallar, andspænis stúku og miðjusett við völl. Um er að ræða byggingu sem inniheldur geymslur á vallarhæð, blaðamannastúku á annarri hæð og á þaki mannvirkis eru upptökusvalir fyrir fjölmiðla. Til beggja handa eru 7 metra löng varamannaskýli með skyggni, allt að 3 metra há, samkvæmt uppdrætti T.ark arkitekta ehf., dags. 21. apríl 2015.