Á fundi skipulagsfulltrúa 15. júlí 2016 var lögð fram umsókn Rauðsvíkur ehf., mótt. 30. júní 2016, varðandi breytingu á deiliskipulagi vegna lóðanna nr. 73 við Laugaveg og 92-96 við Hverfisgötu. Í breytingunni felst m.a. að lóð Laugavegar 73 er stækkuð, byggingarmagn aukið og íbúðum fjölgað, lóð Hverfisgötu 92 er minnkuð og bílakjallari stækkaður að lóðarmörkum. Erindinu var vísað til umsagnar skipulagsfulltrúa og er nú lagt fram að nýju.
Svar
Vísað til umhverfis-og skipulagsráðs Vakin er athygli á að greiða þarf fyrir breytingu á deiliskipulagi áður en kynning fer fram samkv. 7.5 .gr. gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.