Á fundi skipulagsfulltrúa 3. júní 2016 var lögð fram fyrirspurn Teiknistofunnar Arkitektar ehf. f.h. Rauðsvíkur ehf., mótt. 24. maí 2016, varðandi breytingu á deiliskipulagi Landsbankareits vegna lóðanna Laugavegur 73 og Hverfisgötu 92 skv. uppdráttum, dags. 24. maí 2016. Breytingin gengur út á að stækka lóð Laugavegs 73 til norðurs ásamt því að bílakjallari Hverfisgötu 92 á hæð -1 frá Hverfisgötu er stækkaður til vesturs en í staðinn er felld niður heimild fyrir -2 hæð. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 10. júní 2016.