Á fundi skipulagsstjóra dags. 25. maí 2012 var lagt fram bréf skipulagsfulltrúa Mosfellsbæjar dags. 22. maí 2012 varðandi tillögu að endurskoðuðu aðalskipulagi Mosfellsbæjar fyrir árabilið 2011-2030. Með bréfinu fylgir greinargerð og umhverfisskýrsla dags. 2. maí 2012, þéttbýlisuppdráttur, maí 2012 og sveitarfélagsuppdráttur, maí 2012. Um er að ræða forkynningu í samræmi við 2. mgr. 30. gr. skipulagslaga. Erindinu var vísað til umsagnar verkefnisstjóra aðalskipulags og er nú lagt fram að nýju ásamt umsögn skipulags- og byggingarsviðs dags. 6. júlí 2012.