Að lokinni auglýsingu er lagt fram að nýju erindi Borgarinnar okkar dags. 21. nóvember 2012 varðandi breytingu á deiliskipulagi reits 1.140.5, Pósthússtrætisreitur, vegna lóðarinnar nr. 11 við Pósthússtræti. Í breytingunni felst aukning á byggingarmagni, stækkun byggingarreits o.fl. , samkvæmt uppdr. 1 og 2, THG Arkitekta dags. 12. nóvember 2012. Tillagan var auglýst frá 17. desember 2012 til og með 1. febrúar 2013. Eftirtaldir aðilar sendu inn athugasemdir: Knút Lütz, dags 18. janúar 2013, Jón Örn Valsson, Eiríkur Óskarsson og Margrét Ragnarsdóttir f.h. húsfélagsins Pósthússtræti 13 og Árný Helgadóttir, Ágúst Jónsson og Ingjaldur Hannibalsson f.h. húsfélagsins Lækjargötu 4 dags. 30. janúar 2013.