Á fundi skipulagsfulltrúa 28. febrúar 2014 var lagt fram erindi frá afgreiðslufundi byggingarfulltrúa frá 25. febrúar 2014 þar sem sótt er um leyfi til þess að breyta útliti og innra fyrirkomulagi og jafnframt breyta atvinnuhúsnæði sem skráð er fjórar eignir í tvær vinnustofur með íbúðaraðstöðu á fyrstu hæð hússins nr. 2C á lóðinni nr. 2 við Starmýri. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 17. mars 2014.
Ný skráningartafla fylgir erindinu. Umsagnir skipulagsfulltrúa varðandi áður afgreidd erindi dags. 6. maí og 27. september 2013 fylgja erindinu. Gjald kr. 9.500