Að lokinni auglýsingu er lögð fram að nýju umsókn Fjöreflis ehf. dags. 17. september 2014 varðandi breytingu á deiliskipulagi Gufuness. Í breytingunni felst stækkun á byggingarreit fyrir aðstöðuhús, gera bráðabirgðabyggingareit fyrir móttökuhús, breyting á afmörkun afnotareits skemmtigarðs, færslu á aðkomuveg ásamt breytingu og fækkun á bílastæðum, samkvæmt uppdr. Landarks ehf. dags. 15. september 2014. Einnig er lagt fram bréf Landarks ehf. dags. 15. júlí 2014 og umsögn Heilbrigðiseftirlits Reykjavíkur dags. 29. október 2014. Tillagan var auglýst frá 28. nóvember 2014 til og með 9. janúar 2015. Engar athugasemdir bárust.