Á embættisafgreiðslufundi skipulagsfulltrúa 7. apríl 2017 var lagt fram erindi Umhverfisstofnunar, dags. 20. mars 2017, um hvort starfsleyfisumsókn Efnarás ehf. að Klettagörðum 9 um að taka á móti 2000 tonnum af spilliefnum og sóttmenguðum úrgangi og 4000 tonnum af raf- og rafeindatækjaúrgangi til endurvinnslu, þ.e. til flokkunar, pökkunar, annars frágangs og geymslu áður en úrgangurinn er sendur til ráðstöfunaraðila samræmist starfsemi gildandi deiliskipulags. Fyrirspurninni var vísað til umsagnar Faxaflóahafna og er nú lögð fram að nýju ásamt umsögn Faxaflóahafna, dags. 17. maí 2017.