Á fundi skipulagsstjóra 14. janúar 2011 var lögð fram fyrirspurn Elínar G. Gunnlaugsdóttur f.h. Ólafs H. Símonarsonar dags. 6. janúar 2011 varðandi breytingu á deiliskipulagi reits 1.184.1 vegna lóðarinnar nr. 8 við Spítalastíg. Í breytingunni felst að rífa núverandi skúrbyggingu milli Spítalastígs 8 og 10 og byggja þriggja hæða byggingu í hennar stað næst Spítalastíg og tvær hæðir næst Bergsstaðastræti 17b, samkvæmt uppdrætti Egg arkitekta dags. 3. janúar 2011. Erindinu var frestað þar sem lagfæra þarf uppdrætti áður en hægt er að taka afstöðu til erindisins. Erindið nú lagt fram að nýju ásamt uppdrætti dags. 25. mars 2011.