Á embættisafgreiðslufundi skipulagsfulltrúa 21. september 2017 var lagt fram bréf Kópavogsbæjar, dags. 15. september 2017, þar sem kynnt er drög að tillögu vegna breytingar á aðalskipulagi Kópavogs 2012-2024, dags. 27. maí 2017, sem felst í því að akstur almenningsvagna verði heimilaður á göngu- og hjólabrú yfir Fossvog. Tillögudrögin eru send til kynningar í samræmi við 2. mgr. 30. gr. skipulagslaga nr. 123/2010. Erindinu var vísað til meðferðar hjá deildarstjóra aðalskipulags og er nú lagt fram að nýju ásamt umsögn deildarstjóra aðalskipulags, dags. 28. september 2017.