Lögð fram umsókn umhverfis- og skipulagssviðs, skrifstofu framkvæmda og viðhalds, mótt. 7. júní 2017, um framkvæmdaleyfi vegna gatnagerðar á Kirkjusandsreit. Leggja á nýja götu, Hallgerðargötu ásamt tengigötum út frá henni skv. deiliskipulagi á Kirkjusandsreit. Framkvæmdin felst í jarðvegsskiptum, fyllingu, lagnavinnu og yfirborðsfrágangi á götu, bílastæðum, gangstéttum og götugögnum, samkvæmt uppdrætti verkfræðistofunnar Eflu, dags. 3. mars 2017.
Svar
Vísað til umsagnar verkefnisstjóra. Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.