Á embættisafgreiðslufundi skipulagsfulltrúa 1. júní 2018 var lagt fram bréf velferðarsviðs dags. 28 maí 2018 þar sem velferðarsvið felur umhverfis- og skipulagssviði að kanna hvort hægt sé að koma fyrir sex einstaklingsíbúðum fyrir einstaklinga með þroskahömlun og skyldar raskanir á lóðinni Hverafold 7. Einnig er lögð fram greinargerð velferðarsviðs dags. 21. júní 2017 með tillögum um uppbyggingu sértækra húsnæðisúrræða fyrir fatlað fólk. Erindinu var vísað til meðferðar hjá verkefnisstjóra og er nú lagt fram að nýju.