Á embættisafgreiðslufundi skipulagsfulltrúa 24. júlí 2020 var lagt fram erindi frá afgreiðslufundi byggingarfulltrúa frá 30. júní 2020 þar sem sótt er um leyfi til að innrétta 18 íbúðir á 2. - 4. hæð atvinnuhúss nr. 4, mhl. 01 á lóð nr. 4-4A við Brautarholt. Auk þess að byggja einnar hæðar viðbyggingu á baklóð, breyta núverandi skrifstofu- og iðnaðarhúsi í íbúðir annars vegar og verslun og þjónustu hins vegar ásamt því að stækka glugga og koma fyrir svölum á báðum hliðum og koma fyrir lyftu. Gert er að fyrir að þak á suðurhluta hússins verði rifið og einhalla þak í framhaldi af þaki á norðurhluta verður byggt í staðinn. Mænir þaks verður óbreyttur. Á baklóð verður bætt við 6 bílastæðum, samkvæmt uppdr. T.ark Arkitekta ehf. dags. 21. febrúar 2017 síðast br. 25. júní 2020. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 14. ágúst 2020.
Erindi fylgir greinargerð hönnuðar um algilda hönnun dags. 21. febrúar 2017 og samþykki meðlóðarhafa dags. 12., 13. og 18. maí 2020. Stækkun: 74,9 ferm., 278,5 rúmm. Gjald kr. 11.200