Á embættisafgreiðslufundi skipulagsfulltrúa 31. maí 2019 var lögð fram fyrirspurn Garðars Snæbjörnssonar dags. 5. apríl 2019 um breytingu á deiliskipulagi reits 1.182.1 vegna lóðarinnar nr. 9-11 við Njálsgötu sem felst í að byggingarreit að Njálsgötu 11 verði breytt þannig að hann nái út í byggingarlínu núverandi húss að aftanverðu. Götumegin verði byggingarlína neðri hæðar sú sama og í gildandi deiliskipulagi en byggingarlína efri hæðar nái út að gangstétt, í sömu línu og Njálsgata 13, samkvæmt uppdr. Kurt og Pí ehf. dags. 3. apríl 2019. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 21. júní 2019.