Á embættisafgreiðslufundi skipulagsfulltrúa 12. janúar 2018 var lögð fram fyrirspurn Balance ehf. mótt. 3. janúar 2018 um breytingu á skilmálum deiliskipulags Kvosarinnar vegna lóðarinnar nr. 3B við Veltisund sem felst í að heimilt verði að vera með gististað í húsinu. Einnig er lögð fram umsögn skipulagsstjóra dags. 29. maí 2007, umsögn Minjastofnunar Íslands dags. 23. nóvember 2017, bréf Magnúsar Skúlasonar fyrrv. formann Húsafriðunarnefndar dags. 27. nóvember 2017 og teikningar af 2. og 3. hæð hússins. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 17. janúar 2018.