Á embættisafgreiðslufundi skipulagsfulltrúa 20. september 2019 var lögð fram fyrirspurn Landriss ehf. dags. 13. september 2019 ásamt bréfi dags. 13. september 2019 um breytingu á deiliskipulagi Úlfarsárdals vegna reits E sem felst í að breyta hluta af byggingarmagninu úr verslun og þjónustu í íbúðir, hækka salahæð á jarðhæð þar sem gert er ráð fyrir verslun og þjónustu í allt að 4,5 metra og fjölga íbúðum. Einnig er óskað eftir skýringum á grein 2.1.2 í skilmálum gildandi deiliskipulags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 4. október 2019.