Lögð fram umsókn Hermanns Georgs Gunnlaugssonar dags. 30. janúar 2019 ásamt bréfi dags. 25. janúar 2019 varðandi breytingu á skilmálum deiliskipulags Úlfarsárdals vegna lóðarinnar nr. 10-12 við Lofnarbrunn. Í breytingunni felst að heimilt er að svalir á 2. hæð hússins skagi allt að 200 cm. út fyrir bindandi inndregna byggingarlínu, samkvæmt tillögu Teiknistofunnar Storð ehf. dags. 25. janúar 2019. Samþykkt með vísan til a liðar 1. gr. í viðauka 1.1 um fullnaðarafgreiðslur umhverfis- og skipulagsráðs (nú skipulags- og samgönguráðs) án staðfestingar borgarráðs.  Samþykkt að falla frá grenndarkynningu þar sem breyting á deiliskipulagi varðar ekki hagsmuni annarra en umsækjanda með vísan til 2.ml. 3. mgr. 44. gr. skipulagslaga nr. 123/2010.